N'ideyin sahn ı çemen seyrini cananum yok
Bir yanumca salınur serv-i hıramanum yok
Emdürür gerçi lebin vaslına canlar virene
Leb-i can-bahşını emsem dimeğe canum yok
Bağrumun başına dağ-ı gamı odlar yakalı
Kaldum ayakda kara başuma dermanum yok
Nice da'vet ideyin ol periyi da'ireye
Hatem'i la'li gibi mühr'i süleymanum yok
ENVERİ gülşen'i kuyunda figanlar eyler
Dime iy gonca-dehen bülbül'i nalanum yok